Croeso i Landeilo

Mae Maer, Cynghorwyr a thrigolion Llandeilo yn estyn croeso cynnes iawn i chi i’n tref farchnad hanesyddol.

Llandeilo

Tref farchnad fechan, ond ffyniannus yn Sir Gaerfyrddin yw Llandeilo, a leolir ar ymylon Parc Cenedlaethol Bannau Brycheiniog. Mae’n fan poblogaidd i bobl sydd hefyd yn gweithio mewn mannau eraill ymgartrefu ac mae hefyd yn ardal sy’n denu llawer o dwristiaid ac ymwelwyr. Mae o fewn cyrraedd cyfleus i’r mynyddoedd a’r arfordir, llinell rheilffordd Calon Cymru a thraffordd yr M4.
Mae tua 2000 o drigolion yn byw yn y gymuned a darperir cyfleusterau da ar eu cyfer yn cynnwys siopau bach cyfeillgar yn ogystal â gwasanaethau gwych gan y ganolfan iechyd, ysgolion cynradd ac uwchradd, llyfrgell, eglwysi, capeli, gwasanaeth tân, ambiwlans a gorsafoedd yr heddlu ac, wrth gwrs y Cyngor Tref.
Dyma wefan swyddogol Cyngor Tref Llandeilo Fawr a dyma mewn gwirionedd yw’r hysbysfwrdd ar gyfer materion busnes y Cyngor. Fodd bynnag y bwriad yw cynnwys gwybodaeth am hanes y dref, ein treftadaeth a mudiadau eraill lleol. Ein gobaith ni yw y bydd yn fan cychwyn da i ymwelwyr a phobl sy’n meddwl am symud i’r ardal, yn ogystal ag ar gyfer pobl leol sydd am wybodaeth ynglyn ag unrhyw ddigwyddiadau.

10 peth sy’n rhaid i chi eu gwneud pan yn ymweld â Llandeilo:

• Cerdded trwy Warchodfa Natur Coed y Castell i Gastell hynafol Dinefwr, lle eistedda ar glogwyn lle gwelir golygfeydd godidog ar hyd dyffryn yr afon Tywi.

• Mynd i siopa am ddillad, rhoddion a nwyddau o ansawdd yn ein siopau ac orielau bach cain ac unigryw – dim o’ch siopau stryd fawr yma!

• Ymweld â Pharc Dinefwr a Thy’r Drenewydd, sy’n eiddo i’r Ymddiriedolaeth Genedlaethol, gyda’i wartheg gwyn, llyn a pharc ceirw.

• Yfed coffi yn y bore neu de prynhawn yng Ngwesty’r Cawdor neu pam na ewch i gaffi - mae digon o rai dymunol yn y dre.

• Chwilio am fargen ymysg yr henebion a phethau i’w casglu yn y Farchnad Henebion neu yn yr arwerthiannau misol.

• Bwyta bwydydd arbenigol lleol megis cig oen Cymru neu eog yn un o’r tafarndai neu fwytai, mae digon ohonynt.

• Mynd i fandstand Parc Penlan i weld y golygfeydd hardd dros doeon y dref.

• Cerdded i lawr i Bont y Brenin, pont droed siglo dros yr afon, a mynd am dro hamddenol ar hyd y dolydd lle cewch gyfle i weld y crychydd, hwyaid, gwenoliaid neu hyd yn oed glas y dorlan neu ddyfrgwn os ydych yn ddigon lwcus.

• Mwynhau’r dewis da o gerddoriaeth fyw yn y tafarndai a lleoliadau lleol, yn arbennig felly adeg yr wyl.

• Neu mynd am dro o amgylch y dre, gan brofi’r awyrgylch hamddenol a mwynhau’r adeiladau Sioraidd hardd.
  

Map yn dangos lleoliad Llandeilo (yn agor mewn ffenest newydd)

Map o Strydoedd Llandeilo (yn agor mewn ffenest newydd)

Pen y dudalen